《agnès b. Presents: 高山低谷10週年 special –

Phil Lam The Great Decade Live》反應熱烈！加場最後一場

加場門票於4月12日（星期五）下午5時起於KKTIX公開發售

（2024年4月12日 – 香港）Phil 林奕匡昨晚為 DSE 考試的學生打氣，於 IG 開 Live 唱歌同時鼓勵大家，當中更唱出一首 DSE 神曲〈一雙手〉。這首由 Phil 作曲、陳詠謙填詞的歌曲於 2015 年推出，當時並非主打宣傳歌，但竟然在推出後數星期突然爆紅！原來〈一雙手〉在 DSE 文憑考試前的一個節目中播放之後，YouTube 上即突然多了十多萬點擊，成為學生熱門歌曲，當中歌詞「一雙手 只要握成拳頭能捱下去」亦自此成為不少人自我勉勵和鼓勵他人的金句，所以今次 Phil 特意獻唱此曲，祝願所有應屆 DSE 考生努力面對挑戰，「希望大家考試前做好充足嘅準備，有時間就多啲複習重要課題，但最重要有足夠休息，嘗試唔好俾太大壓力自己。」

準爸爸 Phil 積極迎接 BB 到來，為著小生命準備更多空間，他最近遷到新居，更一手一腳佈置自己的 Home Studio，連枱也是由 Phil 親手去組裝。今次是他首度於這個人音樂空間開 Live。早前 Phil 邀請歌迷投選最想聽的歌曲，結果除了〈一雙手〉外，Phil 還唱了另外幾首得票最高的歌曲如和〈有人共鳴〉、〈難得一遇〉及〈高山低谷〉。今次也算是 Phil 為即將舉行的音樂會作個小預演。《agnès b. Presents: 高山低谷 10 週年 special – Phil Lam The Great Decade Live》於 4 月 28 日一場反應熱烈，宣佈再加開 4 月 27 日一場，樂迷今次撲飛要快。他說：「今次嘅音樂會將會重點同大家分享一啲大家都喜歡同對我個人音樂事業好重要嘅歌，歌單經過精心編排，期待到時大家同我一齊大合唱。今次仲搵咗唱作人 Daniel Toh 特別改編好幾首歌，等大家對我嘅音樂有另一番體會。」音樂會更加找來特別嘉賓，不過其身份就等屆時揭曉吧。

Phil 現正密鑼緊鼓為音樂會做好準備，包括做 Gym 去訓練體能，同時練習歌曲與樂器。不過 Live 中有歌迷提出要求 Phil「除衫」則被他婉拒，笑言即使在家也不會除。「今年我會推出多啲歌曲，就快會有新歌，同時會寫多啲歌俾人。好多朋友都話 BB 未出世之前要去做自己想做嘅嘢，因為之後應該冇時間，不過我覺得呢啲都係算 Happy Problem。」無論在事業和家庭今年都非常忙碌兼有挑戰的 Phil，跟 DSE 考生們一樣要加油！

由 Sony Music 主辦，林奕匡《agnès b. Presents: 高山低谷  10 週年 special – Phil Lam The Great Decade Live》將於 4 月 27 及 28 日假東華三院東蒲胡李名靜體育館舉行。音樂會詳情如下：

agnès b. Presents: 高山低谷 10 週年 special – 林奕匡 Phil Lam The Great Decade Live

日期：2024 年 4 月 27 及 28 日（星期六及日）

時間：晚上7時

地點：東華三院東蒲胡李名靜體育館（九龍新蒲崗七寶街2號）

門票價格：HK$580 / $480

加開門票：2024年4月12日（五）下午 5 時 於 KKTIX 發售

購票網址：https://sonymusic.kktix.cc/events/phillam2024

*每張門票需要加上 HK$12 平台手續費