陳柏宇傾聽樂迷訴求 盼搞步行演唱會

陳柏宇（Jason）的《陳柏宇 Jason Chan – FIGHT FOR Live in Hong Kong Coliseum》(CD + BLU-RAY) Boxset因為疫情令到製作多翻延誤，在幾經波折下，終於昨日面世，Jason也特意抽空出巡快閃旺角唱片店跟樂迷會面，並大派限量簽名卡，結果吸引大批樂迷追星。樂迷為引Jason注意，更各出奇謀，氹得Jason笑逐顏開。

Jason昨晚黃昏時份走訪多間唱片店跟樂迷見面， 不少樂迷都聞風而至，令現場擠得水洩不通。難得見到偶像，樂迷都諗計引起Jason的注意，其中有樂迷特別將演唱會的造型製成立體拼圖前來應援，亦有小朋友粉絲向Jason查問演唱會幕後細節，Jason都細心詳盡地講解，而其中一位粉絲因為身處外地，其家人特別到現場讓對方可以Face Time跟Jason會面，Jason也搞笑地拿起手機跟對方合照，場面有趣但亦十分窩心。

不過現場最多人向Jason點唱，希望他下次開Show能唱出〈巴別塔〉、〈後排慶功宴〉、〈再見不再見〉等演唱會中未有演繹的作品，Jason聽到訴求後，靈機一觸道：「可以諗下搞Side Track演唱會，再唔係去啲唔係開Show嘅場地唱下歌，例如喺紅綠燈口搞個步行演唱會，隊Band就係車上，架車慢慢行，我就喺車頭一路行一路唱，想聽嘅觀眾跟我一齊行，一齊聽，一齊唱！」

由於疫情所限，昨日的快閃活動Jason只能跟樂迷匆匆見面，他坦言希望可以盡快辦簽唱會，就可以跟更多的樂迷聚首一堂。