自爆感情危機 「差一點」成歌中悲劇主角
與日本樂隊 culenasm 打破語言隔膜 合寫雙語新歌
仼其香港專場嘉賓首唱 達成本年目標
(2025年8月08日 – 香港) PER SE 愛情長跑多年， 原來曾歷經「差一點」就分開的關口。幸而二人最終跨過難關，如今以真實經歷為靈感，以過來人身份少有地創作慘情歌〈差一點你就是永遠〉，唱出一段關係在無聲中變質，有時即使傾盡心思，仍只能淡然放手。
同居引爆衝突 PER SE 愛情長跑險觸礁
〈差一點你就是永遠〉由 Sandy 填詞，歌詞中加入了屬於 PER SE 的日常秘密與小細節，令歌曲故事更具真實感。Stephen 直言：「對我嚟講，呢首歌係平行時空嘅我哋，創作時會代入當初行錯一步、fail 咗嘅自己。」
一直低調的 PER SE 鮮少談及感情生活，這次難得開腔，竟然是談到差一點分手的往事。二人憶起剛開始同居時，因生活習慣差異引發不少衝突，Sandy 甚至懷疑彼此是否適合一同生活：「如果有一日試盡所有方法都唔 work，我哋仲可以點？係咪分開先係最好嘅選擇呢？」幸運的是，他們沒有放棄，而是坦誠溝通、互相遷就，最終化解危機。這段經歷直接啟發了新歌創作，因為他們相信這份糾結與無力，對許多愛情長跑的情侶來說都很有共鳴。
MV 穿插在劇情和演唱之間 Stephen 自創 catwalk 方法
PER SE 對〈差一點你就是永遠〉MV 早有構思，就是必須在夜晚拍攝，並帶有舞台式的演出。Stephen 解釋：「今次嘅編曲 groove 平時比較少有，我哋覺得好適合夜晚嘅 vibe。再用各個情侶相處嘅碎片穿插 lip-sing 嘅鏡頭，就好似你塞住耳仔聽〈差一點你就是永遠〉，一路渡步咁，令觀眾更能感受嗰份錐心之痛。」因此，MV 中出現不少二人邊走邊唱的畫面，Stephen 更特別傳授獨門 catwalk 技巧：「要當自己係動漫角色，好有型咁行，好似吸收緊天地靈氣、日月精華！呢種叫 aura walk，依家好興㗎。」樂迷必定要落足眼力看 MV，細心看看 PER SE 專屬的 aura！
新歌第二彈 機緣促成與日本樂隊 culenasm 合作
除了二人創作，PER SE 亦希望與不同音樂人擦出更多火花。原來他們年初一起寫下本年想合作的單位，日本樂隊 culenasm 正是其中之一，Stephen 笑言奈何性格比較「i」 一直未成事。碰巧籌備到福岡旅行時，同於福岡出身的 culenasm 宣布舉辦香港專埸，他們感覺冥冥中自有主宰，要把握這個機會！Stephen 憶述：「當時膽粗粗 DM 佢哋，邀請佢哋喺福岡見面，好彩我識少少日文，估唔到第一餐飯就確認咗會一齊做歌，同為佢哋香港專場做嘉賓！」
難得同台首唱新歌 異地友誼一拍即合
《culenasm – 【BARIYOKA SUMMER TOUR】LIVE IN HONG KONG》 剛於星期三（8月6日）舉行，PER SE 擔仼嘉賓成為兩隊首次同台演出，讓樂迷看見他們不一樣的面向！PER SE 更興奮分享共同創作的過程非常有啟發性：「我有閃過唔同構思，只係分享咗一啲好零碎嘅諗法佢哋就立刻演繹咗出嚟！編曲上的舖排亦跳出框架，有好多我哋一般唔會諗到嘅嘢。佢哋好有信心會 work，所以好新鮮，對我哋之後嘅歌提供更多靈感。」
他們亦透露合唱歌會再錄音並上架，樂迷在等待的同時先收聽〈差一點你就是永遠〉，向曾經以為的「永遠」好好道別，淡淡的接受，淡淡的成長，收拾心情再迎接全新之旅吧！
PER SE – 差一點你就是永遠 – MV:
Chinese 
English